Makataan Smeerkonfyt

Sny die vleisagtige deel van die makataan in klein stukkies en verwyder die pitte.

Moenie die middelste 'sponsagtige gedeelte' gebruik nie — dit bly wit en kook nie helder nie.

Sny een pynappel in stukkies en voeg by die makataan.

Voeg heel gemmerstukke by.

Gebruik 1 koppie suiker vir elke 2 koppies vrugte. (Alternatief: gebruik suurlemoensap i.p.v. pynappel om kristallisasie te voorkom.)

Voeg 'n knippie sout by. Voeg geen water by nie.

Smeer 'n lagie margerien bo-op die rand van die kastrol om te verhoed dat die konfyt oorkook.

Kook matig vinnig vir ongeveer 2 ure tot die konfyt opkom en wil oorkook — dit sal blink borrels vorm.

Verwyder die gemmerstukke.

Bottel die konfyt warm.