🔑 Teken in om resepte te stoor, in te dien of te wysig
Familie-lede kan ook bestaande resepte wysig.
Roomsteak
Ellisras Boerevereniging-afsluiting, 2002. Koos Daffue- en Bettie-hulle reël vir 120 mense. Ponk vra R30/kg vir gebeukte steak en Tol Pieterse R35 want Ponk lewer aan Tol agterkwarte.
Bestanddele
Metode
Sny die steaks in kleiner porsies. Verseker dat die vleis vars is en nooit gevries gewees het nie.
Om 3 nm: Sprinkel Meat Tenderizer (Robertsons) oor die steaks en laat intrek.
Gebruik 'n geweldige pan van ongeveer 2 m x 1 m en ongeveer 10 cm diep, geplaas op 'n rooster op 'n oopgesnyde drom.
Om 4 nm: Braai die 15 kg uie en 8 pakkies vars sampioene in egte botter — nie margerien of olie nie.
Skep uit en hou eenkant.
Braai die steak in egte botter aan een kant. Draai om en gooi sout en peper op die geseëlde kant.
Moenie te lank braai nie — net-net gaar. Draai om en gooi sout en peper op die ander geseëlde kant.
Skep die uie en sampioene terug in die pan. Voeg die 10 liter vars room by en roer deur.
Prut tot die sous bruin is. Moenie te lank prut nie, anders vorm dit olie.
Bedien warm, byvoorbeeld met krummelpap.
Vir 120 mense.